POST සහ Beep කේත

POST සහ Beep කේත

“පරිගනකය පණ ගන්වන විට නැගෙන බීප් නාදය වෙත ඔබ මීට පෙර සැලකිල්ලෙන් සවන් දුන්නාද? එය ඔබගේ පරිගනකයේ සෞඛ්‍‍ය තත්වය පිළිබඳ වැදගත් පණිවිඩයක් ඔබට කියන්නට මග බලා සිටී.”

පරිගනකය ක්‍රියාත්මක කරන සෑම අවස්ථාවකම මෙහෙයුම් පද්ධති‍යේ ආරම්භක තිරය දර්ශනය වීමට පෙර කළු පැහැති පසුබිමක සුදු පැහැති අකුරු පෙළක් දිස්වීම පිළිබඳ ඔබ සැලකිලිමත් ද?

එසේ තිරයක් මතු කරමින් ක්‍රියාත්මක වන වැඩසටහන පරිගනකයේ “පණගැන්වීමේ ස්වයං පරීක්ෂාව” හෙවත් POST (Power On Self Test) ලෙස හදුන්වයි. මවු පුවරුවේ මතක චිපයක ගබඩා කර ඇති මෙම වැඩසටහන මගින් පරිගනකය පනගැන්වීමට අවශ්‍ය මූලික අවශ්‍යතා සපුරා ඇත්දැයි පරීක්ෂා කරනු ලබන අතර ඉහත සඳහන් කරන ලද කළු පැහැති තිරයේ දිස් වන්නේ එම පරීක්ෂාවන්ට අදාල ප්‍රථිපලයන් බවද අවධානයෙන් නිරීක්ෂනය කලහොත් ඔබට දැකගතහැකි වනු ඇත.

පරිගනකය ක්‍රියාත්මක කිරීමේදී ඇසෙන “බීප්”  නාදය ද මෙම POST වැඩසටහනේ ම ප්‍රතිදානයක් වන අතර එම හඬ ඇතිකරන්නේ මවු පුවරුවේම සවි කර ඇති කුඩා Buzzer (speaker) එකක් මගිනි.

විවිධ මවු පුවරු නිශ්පාදකයන් විසින් පරිගනකය පනගැන්වීමේදී ඇතිවන විවිධ දෝෂයන්/අසමත් වීම් (POST failures)  වාර්ථා කිරීම සඳහා විවිධ බීප් කෙතයන් ( (Beep Codes) භාවිතා කරන අතර IBM සහ තවත් ප්‍රධාන සමාගම් රැසක් භාවිතා කරන සම්මත බීප් කෙතයන් (Beep Codes) කිහිපයක් පහත දැක්වේ.

1)       කිසිදු බීප් නාදයක් නැත             

          

          පරිපථ ලුහුවත් වීමක්, විදුලි බලය නොමැති වීමක්, මධ්‍ය සකසනයේ, 

          මවු පුවරුවේ දෝෂයක් හෝ බල සැපයුම් කෙවෙනි වල බුරුල් වීමක්

2)       එක් කෙටි බීප් නාදය

          සියල්ල සාමාන්යයි. පණගැන්වීමේ ස්වයං පරීක්ෂාව සමත්

3)       කෙටි බීප් නාද දෙකක් 

          පණගැන්වීමේ ස්වයං පරීක්ෂාවේ හෝ CMOS පරිපථයේ දෝෂයක්

4)       එක් දිගු බීප් නාදය සහ එක් කෙටි බීප් නාදය

          මවු පුවරුවේ දෝෂයක්

6)       එක් දිගු බීප් නාදය සහ කෙටි බීප් නාද දෙකක්    

                 

          වීඩියෝ පරිපථයේ දෝෂයක්

7)       දිගු බීප් නාද තුනක්                                                       

          යතුරු පුවරුවේ දෝෂයක්

8)       නැවත නැවත ඇතිවන දිගු බීප් නාදය                                          

          ප්‍රධාන මතකයේ දෝෂයක් (RAM)

9)       නැවත නැවත ඇතිවන උස් පහත් බීප් නාදය                              

          මධ්‍ය සකසනය අධික ලෙස රත් වීම

පරිවර්ථනය කිරීමේදී ඇතිවන අරුත් වෙනස්වීම් මගහරවාගැනීම සඳහාම පමණක් ඉංග්‍රීසි උපුටාගැනීම මෙලෙස දක්වමු.

1.) No beep - Short, No power, Bad CPU/Motherboard, Loose peripherals
2.) One beep - Everything is normal and computer POSTed fine
3.) Tow beeps - POST/ CMOS error
4.) One long beep & one short beep - Motherboard problem
5.) One long beep & two short beeps - Video problem
6.) One long beep & three short beep - Video problem
7.) Three long beeps - Keyboard problem
8.) Repeated Long beeps - Memory error
9.) Continuous Hi-Low beeps - CPU overheating